Сенатар Макейн узначаліць камітэт спраў узброеных сіл
9- 3.01.2015, 21:39
- 12,265
Джон Макейн заступіць на пасаду кіраўніка камітэта спраў узброеных сіл сената Кангрэсу ЗША.
За апошні год ён амаль нязменна быў у ліку суаўтараў самых жорсткіх законапраектаў у дачыненні да ваеннай агрэсіі на тэрыторыі Украіны. У прыватнасці, у красавіку сенатар разам са сваімі калегамі-рэспубліканцамі прапаноўваў заканадаўча аформіць «супрацьстаянне расейскай агрэсіі», настойваючы, у прыватнасці, на неабходнасці паставак ва Украіну цяжкага ўзбраення, піша gazeta.ru. «Дайце ім зброю, якая ім неабходная, дайце ім сродкі, якія ім патрэбныя, дайце ім магчымасць змагацца, і яны будуць змагацца», - казаў калегам Макейн.
У траўні Макейн стаў сааўтарам законапраекта аб падачы Украіне статусу саюзніка ЗША па-за NATO.
Як адзначаюць амерыканскія эксперты, сенатар мае намер адстойваць неабходнасць паставак узбраення ва Украіну і на пасадзе старшыні камітэта спраў узброеных сіл.
«Ён стане тым самым значным вайсковым розумам, які, працуючы ў сенаце, зможа надаць вастрыню вайсковай стратэгіі і палітычным рашэнням», - упэўнены паліткансультант Крыстафер Нэйва, які ўдзельнічаў у розных выбарчых кампаніях рэспубліканцаў.