«Сенатар» Кастагораў адкупіўся ад турмы

Затрыманы «сенатар» Віталь Кастагораў заплаціў больш за 350 тысяч еўра і выйшаў пад падпіску.

Чалец савета Рэспублікі нацыянальнага сходу Беларусі Віталь Кастагораў, у дачыненні да якога КДБ распачаў крымінальную справу за ўхіленне ад выплаты падаткаў, 30 снежня выйшаў праз падпіску аб нявыездзе, паведамляе tut.by.

Пра гэта паведамілі ў Адміністрацыі Лукашэнкі пасля таго, як пытанне пра лёс сенатара было агучанае на прэс-канферэнцыі дыктатара.

Шкода дзяржаве ад наўмыснага ўхілення сенатарам ад выплаты падаткаў ацэньваецца ў суму больш за 1,33 млрд рублёў.

У сувязі з вяртаннем абвінавачаным нанесенай шкоды ў трохразовым памеры (унесена 340 тысяч еўра і 15 тысяч даляраў) 30 снежня 2014-га года Кастагораву змененая мера стрымання на падпіску аб нявыездзе. Следства прадаўжаецца.