Мужчына пражыў 2 дні ў IKEA і застаўся незаўважаным

Харві Чампін наважыў праверыць, як доўга ён зможа пражыць у краме IKEA незаўважаным.

Шматлікія пакупнікі не раз губляліся на яго тэрыторыі, а некаторыя нават засыналі на выстаўленых ложках. Але мала хто рабіў гэта наўмысна, паведамляе vopes.com.

Для правядзення свайго эксперыменту Чампіну спачатку давялося адпрасіцца з працы, што, з яго слоў, запатрабавала вялікіх высілкаў. Сваю «экспедыцыю» мужчына пачаў з паглынання танных хот-догаў, якія прадаюцца ў краме. Затым ён незаўважаным забраўся на ложак-гарышча і праспаў там 4 гадзіны. Як патлумачыў сам Харві, пры заводзе будзільніка ён пераблытаў час am і pm. У выніку Чампін прачнуўся ў цёмнай краме, якая была зачыненая на працягу чатырох гадзін.

Вокнаў у памяшканні не было, так што арыентавацца мужчыну было складана. Акрамя таго ён не ведаў пра наяўнасць датчыкаў руху. «Калі яны ёсць, то прыйдзецца тлумачыць ахове, што я тут раблю і чаму цяпер матрац гэтага ложку прамок хот-догавым потам. Я наважыў не пакідаць ложак - ён стаў для мяне чымсьці накшталт лагера ў гэтай прыгодзе», - апісваў пасля Чампін.

Калі ён прачнуўся наступнай раніцай, у краме было поўна наведвальнікаў. Паснедаўшы ў кавярні, Харві пайшоў задрамаць на кучы кілімкоў. Прыкладна ў такім духу прайшлі 2 дні ў IKEA, пасля чаго Чампін падумаў, што гатовы вяртацца дадому. З ягоных слоў, адпачынак пасля такога водпуску не спатрэбіцца, а вось душ і чыстка зубоў не перашкодзяць.

Эксперыментатар ацаніў IKEA ў 5 зорак на TripAdvisor і падрабязна апісаў свае прыгоды на brobible.com.