Тэракт у Адэсе: падарваны цэнтр дапамогі войску
9- 5.01.2015, 7:50
- 35,951
У Адэсе адбыўся чарговы выбух.
На гэты раз выбуховае прыстасаванне спрацавала ля будынка №3 на Гімназічнай вуліцы (рог Большай Арнаутскай), дзе знаходзіцца Каардынацыйны цэнтр дапамогі байцам АТА. Надзвычайнае здарэнне адбылося а 22:30 4 студзеня, піша «Думская».
Пацярпелі ралеты офіса, выбітае шкло ў гэтым доме і будынку насупраць. Унутры быццам бы нікога не было. Пацярпела таксама прыпаркаваная побач машына - у яе вырваныя дзверы. Аскепкі ралет раскіданыя ў радыусе 13 метраў. Міліцыя была на месцы праз хвіліну пасля выбуху - патрульныя знаходзіліся побач па выкліку. Ахвяраў і пацярпелых няма. Відавочцы кажуць аб моцным паху парахавых газаў.
На месцы здарэння працуюць супрацоўнікі праваахоўных органаў.
Нагадаем, за апошні месяц у Адэсе адбыўся шэраг тэрактаў, аднак іх арганізатары не ўстаноўленыя. Разам з тым цяпер у горадзе праводзіцца антытэрарыстычная адпрацоўка сумеснымі намаганнямі міліцыі, СБУ, Нацгвардыі і вайскоўцаў.