Air Asia не мела дазволу на палёты ў дзень катастрофы

Авіякампанія, чый Airbus разбіўся дзевяць дзён таму ў яванскім моры, не мела дазволу на палёты ў гэты дзень тыдня.

Пра гэта заявіў генеральны дырэктар кіравання паветранага транспарту Мінтранса Інданэзіі Джок Мур’яатмаджа на прэс-канферэнцыі ў Джакарце ў панядзелак, 5 студзеня, піша РІА «Новости».

«Ужо ясна, што гэта было парушэннем, таму што палёт праводзіўся за межамі ўзгодненага дазволу», - сказаў чыноўнік.

Пасля катастрофы Мінтранс адклікаў дазвол кампаніі AirAsia Indonesia на правядзенне рэйсаў з Сурабае ў Сінгапур у сувязі з тым, што ён быў выдадзены раней толькі для панядзелкаў, аўторкаў, чацвяргоў і суботаў.

Між тым, ужо цягам трох апошніх месяцаў гэты рэйс курсаваў па серадах, пятніцах і нядзелях (калі і адбылася катастрофа). Аднак самалёт, які разбіўся змог атрымаць разавыя дазволы на палёт як у Сурабае, так і ў Сінгапуры.

Са слоў Мур’яатмаджа, цяпер Мінтранс Інданезіі спрабуе ўсталяваць, хто менавіта даў дазвол на вылет.

У сувязі з гэтым таксама выступіў на прэс-канферэнцыі адзін з кіраўнікоў Міністэрства транспарту Хадзі Джураід асабліва адзначыў, што праверка закране і само ведамства.

Самалёт Airbus A320-200, які выконваў рэйс з Сурабая ў Сінгапур, прапаў над яванскі морам. На ягоным борце знаходзіліся 155 пасажыраў і восем сябраў экіпажа. Паводле версіі следчых, перад катастрофай самалёт рэзка набраў вышыню, каб абыйсці шторм.

Падчас пошукавай аперацыі ўдалося знайсці 22 целы загінулых, аднак фюзеляж і бартавыя самапісцы пакуль не выяўленыя.