Герашчанка: Рупар расейскай прапаганды Салаўёў мае амерыканскае грамадзянства
24- 5.01.2015, 10:33
- 59,588
Расейскі прапагандыст Уладзімір Салаўёў - грамадзянін Злучаных Штатаў Амерыкі.
Пра гэта напісаў народны дэпутат Украіны ад партыі «Народны фронт» Антон Герашчанка ў «Фэйсбуку».
«Уся патрыятычна настроеная грамадскасць сацыяльных сетак абураная тым, што расейскі прапагандыст Салаўёў, клеймаваў праклятых імперыялістаў, а сам пры гэтым адпачывае ў ЗША.
У гэтым няма нічога дзіўнага. Як правіла наркагандляры не ўжываюць свой дурман, каб не перашкаджала бізнэсу.
Так і Салаўёву трэба ездзіць у краіну, грамадзянінам якой ён з'яўляецца, для таго каб час ад часу выцвярэжвацца ад таго дурману, якім ён частуе расейцаў.
Ды так, вы не недачулі. Расейскі тэлевядучы Уладзімір Салаўёў - грамадзянін Злучаных Штатаў Амерыкі.
Яму ж трэба мець нейкае месца, дзе можна будзе схавацца, калі ў Расеі будзе антыпуцінская рэвалюцыя і такіх як Салаўёў, Кісялёў і іншых хлусаў будуць вешаць на ліхтарных слупах», - напісаў Герашчанка.