Уладзімір Клічко не жадае біцца са скандалістам Брыгсам
2- 5.01.2015, 11:45
- 7,800
Нягледзячы на ўсе піяр-намаганні амерыканскага ветэрана, украінскі чэмпіён-суперцяжкавагавік не спяшаецца даваць яму тытульны шанец.
Уладальнік тытулаў чэмпіёна свету паводле версіях WBA, WBO, IBF і IBO у суперцяжкай вазе Уладзімір Клічко (63-3, 53 КА) заявіў аб немагчымасці арганізацыі паядынку з амерыканскім ветэранам і экс-чэмпіёнам свету Шэнанам Брыгсам, піша liga.net.
«Брыгс трохі вар'ят, і сваімі паводзінамі ён проста спрабуе выбіць для сябе месца ў адным рынгу са мной. Але на гэты момант гэта не рэальна», - прыводзіць словы Уладзіміра Vringe.com. Крыніца удакладняе, што наступны выступ малодшага з братоў Клічко ўжо запланаваны на 25 красавіка ў ЗША, і што да апошняга часу Шэнан разам з Брайант Дженінгс заставаўся адным з асноўных кандыдатаў.
Нагадаем, што Брыгс (57-6-1, 50 КА) не аднойчы цягам апошняга года спрабаваў самымі рознымі выхадкамі прыцягнуць увагу ўкраінскага чэмпіёна. Прычына публічных эскападаў і дзеянняў амерыканца відавочная: не ў апошнюю чаргу менавіта такім спосабам баксёры на прафесійным рынгу дамагаюцца арганізацыі рэзанансных баёў.
Варта адзначыць, што восенню 2010 года Шэнан сустракаўся на рынгу з Віталём Клічко і толькі цаной неверагодных намаганняў здолеў выстаяць ўсе 12 раундаў. Вынікам таго паядынку для Брыгса стала траплянне ў шпіталь на цэлы тыдзень.