Украіна павялічыла імпарт газу з Еўропы на 59%

Украіна ў 2014 годзе ў параўнанні з мінулым павялічыла імпарт газу з Еўропы на 59% - да 5,1 млрд кубаметраў.

Пра гэта сайту charter97.org паведамілі ў прэс-службе «Укртрансгазу».

«На працягу 2014 года з Еўропы было імпартавана 5,1 млрд куб. м прыроднага газу, што на 59%, або 3 млрд кубаметраў больш чым у мінулым годзе», - гаворыцца ў паведамленні.

Павелічэнне аб'ёмаў імпарту прыроднага газу з Еўропы адбылося за кошт адкрыцця славацкага маршруту паставак.

«За кошт гэтага больш блакітнага паліва паступіла са Славаччыны - 3,6 млрд куб. м, з Польшчы і Вугоршчыны было імпартавана 0,9 і 0,6 млрд куб. м. адпаведна», - гаворыцца ў паведамленні.

Нагадаем, Браціслава гарантавала Кіеву рэверс газу па-за залежнасцю ад скарачэння паставак газу з Расеі. Такая дамоўленасць была дасягнутая на перамовах паміж прэзідэнтамі Украіны і Славаччыны - Пятром Парашэнкам і Андрэем Кіскам.

У жніўні Украіна запусціла рэверс газу са Славаччыны. Так, за кастрычнік было атрымана больш за 700 мільёнаў кубоў газу і аб'ёмы паставак павялічваюцца.