Авіяўдар па танкеру ў порце Дзерна нанеслі лівійскія ВПС
7- 5.01.2015, 16:55
- 14,825
Лівійскія ВПС пацвердзілі факт нанясення авіяўдару па танкеру Araevo, які стаяў у порце Дзерна.
На такія меры вайскоўцы пайшлі пасля таго, як экіпаж адмовіўся выконваць загад аб правядзенні праверкі на судне, піша «Інтэрфакс».
На момант інцыдэнту на борце карабля знаходзілася 26 чальцоў экіпажа, танкер быў загружаны 1,6 т нафты.
Інцыдэнт адбыўся ў нядзелю, 4 студзеня. Танкер Araevo ішоў пад сцягам Ліберыі і належыць грэцкаму суднаўладальніку. Ахвярамі авіяўдару сталі два чалавекі: грэк і румын. Аб тым, што здарылася, ужо далажылі ў МЗС Грэцыі.