Анатоль Капскі: Відаць, буду БАТЭ займацца і далей

Кіраўнік барысаўскага БАТЭ вызначыўся са сваім статусам у клубе.

Анатоль Капскі ў інтэрв'ю "Прессболу" распавёў, што хутчэй за ўсё застанецца на пасадзе старшыні праўлення ФК БАТЭ.

- Да канца года вы абяцалі вызначыцца са сваім статусам у БАТЭ. Галоўнае пытанне: сыходзіце? Застаяцеся?

- Да канца яснасці па-ранейшаму няма. Але яе, скажам так, ужо нашмат больш. Я разлічваў, што клуб павядзе далей Саша Захарчанка. А ў яго цяпер новы выклік, новая праца. Сыходзіць на вялікае прадпрыемства, на адказную пасаду, звязаную з маркетынгам. Гэта не мая навіна, падрабязнасцямі дзяліцца не маю права. Але на новым месцы Аляксандр Віктаравіч будзе вельмі моцна заняты. У літаральным сэнсе прыйдзецца больш у паветры знаходзіцца, чым на зямлі. Шмат камандзіровак. Таму, відаць, я буду БАТЭ займацца і далей.

Проста так жыццё склалася. Намеры ў мяне былі сур'ёзныя, паверце. Тая заява аб сыходзе была, можа, крыху эмацыйная, але глебу пад сабой мела. Шчыра кажучы, я стаміўся ад усяго. Ад прэсы, ад заўзятараў, ад стаўлення футбольнай грамадскасці. Выспела ўсё... Але цяпер атрымліваецца, меў рацыю Ягор Філіпенка, які сказаў калісьці: "Ну што, Антольіч не будзе публічным чалавекам, перастане даваць інтэрв'ю, але калі трэба, заўсёды прыйдзе ў распранальню, уставіць і ўсё застанецца, як раней..." Мне сапраўды надакучыла публічнасць.