Пры абрынанні сцяны ў Асіповічах паранены падлетак
5- 6.01.2015, 17:09
- 8,062
У Асіповічах пры абрынанні сцяны корпуса закінутай лякарні цяжкія траўмы атрымаў 14-гадовы падлетак.
Пра гэта паведамілі ва УУС Магілёўскага аблвыканкама. Трагічны выпадак адбыўся раніцай 5 студзеня, піша БелаПАН.
Падлетак гуляў на тэрыторыі закінутай лякарні па вуліцы 60 год Кастрычніка, калі на яго абрынулася цагляная сцяна. Школьнік атрымаў чэрапна-мазгавую траўму галавы, страсенне галаўнога мозгу, пераломы рэбраў і пазванкоў.
Пацярпелы дастаўлены ў Асіповіцкую цэнтральную раённую лякарню.