Навукоўцы параілі закрываць нос шалікам у халады
7- 6.01.2015, 17:49
- 10,044
Навукоўцы з Ельскага ўніверсітэта даказалі, што ўкручванне носа шалікам у халады зніжае рызыку прастудных захворванняў.
Пра гэта паведамляе The Daily Telegraph.
Даследчыкі адзначаюць, што кожны пяты чалавек з'яўляецца носьбітам рынавіруса (гэта найбольш частая прычына з'яўлення катару і захворвання прастудай), але імунная сістэма перашкаджае яго распаўсюджванню ў арганізме. Навукоўцы, аднак, сцвярджаюць, што пры астуджэнні носа да пяці градусаў па Цэльсіі імунная сістэма перастае супраціўляцца вірусу, піша Lenta.ru.
«Мы высветлілі, што прыроджаная здольнасць імуннай сістэмы супраціўляцца рынавірус слабее, калі тэмпература [асобнай часткі цела] становіцца ніжэйшай за агульную тэмпературу цела», - распавяла прафесар Акіко Івасакі (Akiko Iwasaki).
Яна падкрэсліла, што, згодна з атрыманымі звесткамі, тэмпература цела мацней уплывае на імунітэт, чым сам вірус.
The Daily Telegraph піша, што навукоўцы прыйшлі да такіх высноваў пасля доследаў на мышах - яны параўноўвалі імунны адказ клетак жывёл на рынавірус пры тэмпературы цела 37 градусаў Цэльсія і пры 33 градусах.
Выданне адзначае, што раней было прынята меркаваць, што падвышэнне колькасці прастудных захворванняў звязана з тым, што ў халоднае надвор'е людзі знаходзяцца ў цёплых памяшканнях, якія дрэнна выветрываюцца, праз што вірус хутчэй распаўсюджваецца.