Фотафакт: У Маскве адкрыта прадаюць «ордэны Наваросіі»
21- 6.01.2015, 18:10
- 23,905
У Маскве на рынку гандлююць "ордэнамі Наваросіі" з ордэнскай кніжкай.
Кожныя выходныя на "Вернісажы ў Ізмайлава" ў Маскве збіраюцца калекцыянеры. Тых, хто атрымлівае ўзнагароды, заўсёды менш, чым тых, хто іх збірае.
Як піша kp.ru, тут ёсць і праваслаўны крыж, а пад ім надпіс: "13 красавіка - 5 ліпеня 2014 г. За абарону Славянска". Дакладна такімі ж калісьці ўзнагароджваў параненых баевікоў расейскі тэрарыст Ігар Гіркін.
"Медалькі адтуль, - шматзначна падымае палец у неба прадавец. - Бярэм без гандлю, засталося 3 камплекты: кожны па 1,5 тысячы рублёў, з пасведчаннем. Упісваем у яго прозвішча, і можна ўнукам распавядаць, як у 2014 годзе забіваў у катле "ўкропаў", - распавядаюць прадаўцы.
Падобныя медалі свабодна прадаюцца і ў інтэрнэт-краме. Там выбар даволі вялікі: за медаль "За вяртанне Крыму" просяць 395 рублёў, за "Георгіеўскі крыж ДНР" - 499 рублёў, за медаль "За абарону Славянска" - 699.