Выпадковы мінак прадухіліў рабаванне ў Гомелі
11- 6.01.2015, 19:35
- 18,354
56-гадовы гамяльчук затрымаў правапарушальніка, прадухіліўшы рабаванне.
Нападнік - раней неаднаразова судзімы 40-гадовы жыхар вёскі Першая Слабодка Петрыкаўскага раёна. Увечары ў п'яным выглядзе ў раёне аўтавакзала ў Гомелі ён паспрабаваў забраць у 19-гадовай дзяўчыны жаночую сумачку. Дзяўчына стала супраціўляцца, крычаць, паведамляе «Гомельская праўда».
На дапамогу прыйшоў 56-гадовы гамяльчук Аляксандр Рабянок, які ў гэты час сядзеў у сваім аўтамабілі, прыпаркаваным паблізу. Як кажа сам выратавальнік, пачуўшы крыкі, ён выскачыў з аўтамабіля і затрымаў правапарушальніка.
Распачатая крымінальная справа паводле факту замаху на рабаванне, распавялі ў другім следчым аддзяленні Гомельскага гарадскога аддзела СК. Цяпер мужчына знаходзіцца пад вартай. Ідзе следства.