У Скідзелі п'яны мужчына з крыкамі «Я робат» збіў жанчыну і яе дачку
23- 6.01.2015, 20:49
- 18,668
У Скідзелі 24-гадовы хлопец у стане алкагольнага ап'янення з крыкамі «Я робат» збіў жанчыну і яе 15-гадовую дачку.
5 студзеня 2015 года ў Скідзелі Гарадзенскага р-на праваахоўнікі правялі затрыманне маладога чалавека, які з'яўляецца падазраваным у збіванні жанчыны і яе 15-гадовай дачкі. У дадзены момант ён знаходзіцца пад арыштам. Пра гэта праінфармавала corpomir.ru ГУ МНС Рэспублікі Беларусь у вобласці.
Праваахоўнікі ўстанавілі, што 4 студзеня 24-гадовы мужчына з в. Гліняны, знаходзячыся ў стане алкагольнага ап'янення, з крыкамі «Я робат!» у калідоры інтэрната пачаў палохаць жыхароў. Пасля гэтага, ён узяў нож з металічнай трубой, зайшоў у адзін з пакояў і ўчыніў напад на жанчыну 39-ці гадоў, а таксама на яе дачку 15-ці гадоў. Раней яны з нападнікам знаёмыя не былі. Пацярпелыя звярнуліся ў праваахоўныя органы.
У дадзены момант падазраваны затрыманы і знаходзіцца ў следчым ізалятары. Прычыну, з якой быў учынены дадзены ўчынак, ён успомніць не можа.
Паводле факту хуліганства распачатая крымінальная вытворчасць. Устанаўліваюцца ўсе дэталі здарэння.