Hubble зрабіў неверагодны здымак галактыкі Андрамеды
9- 6.01.2015, 20:57
- 30,423
Касмічны тэлескоп Hubble зрабіў самы дэталізаваны ў гісторыі здымак прыкладна траціны галактыкі Андрамеды.
На атрыманай фатаграфіі бліжэйшая да нашага Млечнага Шляху галактыка паўстае ў натуральным бачным святле. Здымак стаў самай дэталізаванай выявай, калі-небудзь зробленай тэлескопам, паведамляе Корреспондент.net.
Для таго, каб разгледзець атрыманы Hubble здымак, спатрэбіцца 600 экранаў з высокім разрозненнем.
На фота, якасць якога вымяраецца мільярдамі пікселяў, можна разглядзець больш за 100 мільёнаў зорак і тысячы зорных скупнасцей унутры галактыкі Андрамеды, якая расцягнулася на 40 тысяч светлавых гадоў, гаворыцца ў сумесным прэс-рэлізе NASA і ESA.
#Hubble captures sweeping view of Andromeda galaxy and over 100 million stars. http://t.co/AWfGGjyqxp #aas225 pic.twitter.com/qJp45qHfF5
— HubbleTelescope (@HubbleTelescope) styczeń 5, 2015
Малюнак складаецца з 7398 фрагментаў, зробленых з дапамогай чырвоных і сініх фільтраў. На атрыманай фатаграфіі бліжэйшая да нашага Млечнага Шляху галактыка паўстае ў натуральным бачным святле.
Атрыманы здымак - вынік працы двух камер, устаноўленых на тэлескопе Hubble, - Advanced Camera for Surveys і Wide Field Camera 3.
Навуковае значэнне дадзенага малюнка заключаецца ў магчымасці распазнання святла ад мноства іншых галактык, размешчаных ад нас далей, аднак падобных з Андрамедай у структуры.
Фота: NASA