Ягор Філіпенка: Заўсёды марыў гуляць у чэмпіянаце Гішпаніі

Экс-абаронца БАТЭ атрымаў у «Малазе» 24-ты нумар.

Сёння адбылася прэзентацыя беларускага абаронцы Ягора Філіпенкі ў гішпанскім клубе «Малага», паведамляе «Комсомольская правда в Беларуси».

Беларус выйшаў з прадстаўнікамі каманды перад журналістамі і хвіліну пазіраваў з футболкай перад фотакамерамі. Пасля чаго Ягора пачалі распытваць гішпанскія журналісты. Прэс-канферэнцыя доўжылася крыху больш за 27 хвілін, а футбаліст меў зносіны праз перакладчыка.

- Я марыў выступаць у чэмпіянаце Гішпаніі, - казаў Філіпенка. - Думаю, усе беларускія футбалісты мараць пра гэта. Цяпер як мага хутчэй набраць форму і пачаць дапамагаць камандзе на поле. Як толькі мне паступіла прапанова ад «Малагі», то я сказаў свайму агенту, каб вёў перамовы толькі з гэтым клубам і каб як мага хутчэй мы дамовіліся. Што я ведаю пра Малагу? Тут вельмі добрае надвор'е!

Не абышлося і без з'едлівых слоў з боку Ягора. Вядомы сваім пачуццём гумару футбаліст пасля просьбы ад журналіста ацаніць свой узровень сказаў: «Яму больш мікрафон не давайце». А потым дадаў: «Жарт, мой сябар».