Прагнозы экспэртаў: даляр будзе каштаваць ад 17500 да 30000 рублёў
61- 8.01.2015, 8:24
- 95,508
Абрынанне беларускага рубля неўнікнёнае.
Колькі будзе каштаваць адзін даляр 19 снежня 2015 года? На гэтае пытанне адказалі вядомыя ў Беларусі фінансісты і эканамісты, паведамляе «Радыё Свабода».
Вось іх прагнозы:
17 500 - былы старшыня ўправы Нацбанка Станіслаў Багданкевіч,
20150 - экспэрт «Ліберальнага клуба» Антон Болтачка,
20700 - кіраўнік Цэнтра Мізэса Яраслаў Раманчук,
21 000 - эканаміст Леў Марголін,
30 000 - былы прэм'ер Міхаіл Чыгір.
Такія адказы гэтыя спецыялісты далі падчас круглага стала, які праходзіў 5 студзеня ў офісе Аб'яднанай грамадзянскай партыі.
Дата 19 снежня ўзятая таму, што менавіта ў гэты дзень 2014 фактычна адбылася дэвальвацыя беларускага рубля.
Нагадаем, з прычыны першых у новым, 2015 таргоў курс беларускага рубля да даляра зноў узляцеў - на гэты раз на 840 рублёў.