Польшча павялічвае выдаткі на абарону
1- 8.01.2015, 10:10
- 4,086
Урад Польшчы падрыхтуе праект закона аб павелічэнні абаронных выдаткаў у краіне з 2016 года да 2% ВУП краіны.
Пра гэта на прэс-канферэнцыі ў Варшаве, падводзячы вынік першых 100 дзён працы ўрада, заявіла прэм'ер-міністр Польшчы Эва Копач, піша «Укрінформ».
«Урад рыхтуе праект закона, і гэты праект будзе ў першым квартале гэтага года. Гаворка ідзе аб праекце закона, якім павялічваюцца выдаткі краіны на абараназдольнасць да ўзроўню не менш за 2% ад ВУП краіны з 2016 года», - заявіла яна.
Прэм'ер-міністр паведаміла, што ў 2014 годзе Міністэрства абароны выдаткавала на мадэрнізацыю войска 8,27 млрд злотых (амаль 2,4 мільярда даляраў), што з'яўляецца рэкордам ў гісторыі польскага войска.