Нацыянальная каманда Беларусі - на 99 месцы ў рэйтынгу ФІФА
5- 8.01.2015, 15:51
- 5,307
У рэйтынгу Міжнароднай федэрацыі футбола, апублікаваным 8 студзеня, нацыянальная каманда Беларусі засталася на 99 месцы.
Колькасць набраных ачкоў - 331, піша БелаПАН.
У кастрычніку 2014 беларуская нацыянальная каманда пакінула першую сотню рэйтынгу ўпершыню пасля кастрычніка 2000, пры гэтым яе 106-е месца было найгоршым пасля жніўня 2000 года. У лістападзе каманда паднялася на 101-е месца, а ў снежні вярнулася ў першую сотню.
У еўрапейскім рэйтынгу беларуская нацыянальная каманда захавала 42-ю пазіцыю, на прасторы былога СССР - восьмую пасля Украіны, Расеі, Узбекістана, Арменіі, Эстоніі, Літвы і Латвіі.
Найлепшым для беларускай нацыянальнай каманды з'яўляецца 36-е месца ў сусветным рэйтынгу ў лютым 2011 года.
Дзясятка лідараў цяперашняга рэйтынгу (у дужках - месцы і ачкі ў снежні 2014):
1 (1). Нямеччына - 1.725 (1.725)
2 (2). Аргенціна - 1.538 (1.538)
3 (3). Калумбія - 1.450 (1.450)
4 (4). Бельгія - 1.417 (1.417)
5 (5). Галандыя - 1.374 (1.374)
6 (6). Бразілія - 1.316 (1.316)
7 (7). Партугалія - 1.160 (1.160)
7 (7). Францыя - 1.160 (1.160)
9 (9). Гішпанія - 1.142 (1.142)
10 (10). Уругвай - 1.135 (1.135)
Рэйтынг сапаборнікаў беларускай нацыянальнай каманды ў адборачным турніры чэмпіянату Еўропы 2016 (акрамя названай Гішпаніі):
21 (21). Славаччына - 891 (891)
25 (25). Украіна - 854 (854)
101 (100). Македонія - 327 (324)
127 (128). Люксембург - 230 (230)
Усяго ў рэйтынг уключана 209 нацыянальных каманд.