Ангела Мэркель: Санкцыі ЕЗ у дачыненні да РФ залежаць ад менскіх дамоўленасцей

Канцлерка Нямеччыны мяркуе, што санкцыі ЕЗ у дачыненні да Расеі могуць быць знятыя толькі пры ўмове выканання ўсіх пунктаў менскіх дамоўленасцей.

Ангела Мэркель таксама адзначыла, што асобныя санкцыі ў дачыненні да Крыму наўрад ці будуць скасаваныя, паколькі Расея наўрад ці бліжэйшым часам адмовіцца ад анэксіі паўвыспы, паведамляе BBC.

"Іншыя санкцыі былі ўведзеныя ў адказ на ўварванне на ўсходзе Украіны. Поўнае выкананне менскіх дамоўленасцей - гэта шлях да перагляду [санкцый]", - заявіла канцлерка пасля перамоваў у Берліне з прэм'ер-міністрам Украіны Арсенем Яцэнюком.

Ангела Мэркель таксама паведаміла, што кіраўнікі МЗС Расеі, Нямеччыны, Украіны і Францыі - краін так званай "нармандскай чацвёркі" - у сапраўдны час рыхтуюць сустрэчу на вышэйшым узроўні ў Астане, і хутка стане зразумела, ці адбудзецца яна.