Спецыялісты назвалі прадукты, якія запавольваюць старэнне

Даследчыкі прыйшлі да высновы, што штодзённае ўжыванне пэўных прадуктаў дапаможа выглядаць маладзей сваіх гадоў.

Ежа, якую мы ямо, можа знізіць рызыку развіцця хранічных захворванняў, якія хутка стараць арганізм. Гаворка ідзе пра такія недамаганні, як высокі крывяны ціск, дыябет і атлусценне. Вынікі апошніх навуковых даследаванняў паказалі, наколькі важная ежа для здаровага старэння, піша bigmir.net.

Як сцвярджаюць спецыялісты, і ў 50 гадоў можна выглядаць на 40, калі ўжываць правільныя прадукты, багатыя важнымі пажыўнымі рэчывамі.

Паводле шматлікіх здаровых планаў харчавання варта налягаць на садавіну і гародніну, уключаць у меню поснае мяса, багатыя клятчаткай травы, малочныя прадукты з нізкім утрыманнем тлушчу і ненасычаныя тлушчы. Абмяжоўваць варта апрацаваныя харчовыя прадукты, высокакаларыйныя і тлустыя прадукты, соль, цукар.

Абапіраючыся на гэтыя пастулаты, навукоўцы склалі спіс прадуктаў, якія трэба ўжываць рэгулярна.

На першым месцы капуста. Гэты прадукт валодае супрацьракавымі ўласцівасцямі і незвычайна карысны. Ужываць розныя віды капусты трэба 3-5 раз у дзень.

Другое месца займае ласось - рыба, багатая бялком і тлустымі кіслотамі амега-3. Уключаць у сваё меню ласось ці іншую тлустую марскую рыбу варта 2 разы на тыдзень.

На трэцім месцы размясціўся міндаль, багаты бялком і пажыўнымі рэчывамі. Яго рэкамендуюць з'ядаць па жмені ў дзень.

Затым ідуць багаты вітамінам D, кальцыем і бялком ёгурт (1-2 порцыі ў дзень), кіноа - крыніца клятчаткі, жалеза і кальцыю (палову порцыі ў дзень), а таксама багатыя антыаксідантамі зялёная гарбата (некалькі кубкаў у дзень) і чарніца (жменя ў дзень).