Еўракамісія дасць Украіне яшчэ 1,8 мільярда еўра дапамогі
1- 8.01.2015, 18:00
- 8,580
Еўракамісія выдзеліць дадатковую фінансавую дапамогу Украіне ў памеры 1,8 мільярда еўра.
Аб гэтым сказаў кіраўнік еўрапейскага ведамства Жан-Клод Юнкер журналістам у Рызе.
"Камісія прыняла рашэнне прадоўжыць фінансавую падтрымку і даць для Украіны - краіны, якая мае патрэбу ў салідарнасці іншых еўрапейскіх краін, - дадаткова 1,8 млрд. еўра", - пацвердзіў Юнкер, паведамляе УНІАН.
Ён дадаў, што Еўразвяз салідарны з Украінай і пацвярджае гэта не толькі сваімі словамі, але і дзеяннямі.
Раней СМІ паведамлялі, што ЕЗ рыхтуе дадатковую фінансавую дапамогу Украіне. Пра гэта павінны быў паведаміць Жан-Клод Юнкер. Таксама кіраўнік Еўракамісіі Юнкер заяўляў пра намер наведаць Украіну ў пачатку 2015 года.