Сусветныя кошты на прадукты харчавання ўпалі да мінімуму за чатыры гады

Індэкс харчовых коштаў ФАО (харчовая і сельскагаспадарчая арганізацыя ААН) у снежні 2014 упаў на 1,7%.

Гэта мінімальнае значэнне з жніўня 2010 года 188,6 пункта, паведамляе «Інтэрфакс».

Індэкс коштаў ФАО малочных прадуктаў знізіўся ў снежні на 2,3% у параўнанні з лістападам і склаў 174 пункты. Зніжэнне індыкатара выклікана ростам прапановы на рынку і памяншэннем імпарту з боку шэрагу найбуйнейшых спажыўцоў - у прыватнасці, Расеі і Кітая.

Індэкс коштаў цукру у снежні ў параўнанні з лістападам ўпаў на 4,8%, да 219 пунктаў. Прагноз вытворчасці цукру ў Бразіліі, найбуйнейшым сусветным вытворцам і экспарцёрам цукру, па-ранейшаму пазітыўны, аднак праз падзенне коштаў паліва меншы аб'ём цукровага трыснягу будзе перапрацаваны ў этанол.

Кошты збожжавых слаба выраслі з лістапада. Зніжэнне коштаў на рыс не змагло цалкам кампенсаваць рост кошту пшаніцы, выкліканы асцярогамі, што Расея можа абмежаваць яе экспарт. Індэкс коштаў на збожжавыя ў снежні павысіўся на 0,4% у параўнанні з лістападаўскім паказчыкам і склаў 183,9 пункта.

Індэкс коштаў на алеі апусціўся на 2,4%, да 161 пункта. Такая дынаміка тлумачыцца зніжэннем попыту на пальмавы алей для вытворчасці біяпаліва.

Кошты на мяса ў снежні зменшыліся галоўным чынам на фоне росту курсу даляра і павелічэння прапановы. Індэкс цэн на мяса ў сярэднім склаў 204 пункта, што на 1,9% ніжэй у параўнанні з паказчыкам лістапада.

За мінулы год індыкатар коштаў на прадукты харчавання ў сярэднім складаў 202 пункты, што на 3,7% менш, чым годам раней. Максімальнае зніжэнне было зафіксавана ў коштах на збожжавыя культуры (-12,5%), малочныя прадукты (-7,7%), масла (-6,2%) і цукар (-3,8%). Адзінай катэгорыяй прадуктаў харчавання, кошты на якую выраслі за мінулы год, стала мяса (+ 8,1%).

Індэкс харчовых коштаў ФАО - гэта сярэднеўзважаны паказчык змены за месяц міжнародных коштаў на кошык пяці харчовых сыравінных таварных груп: збожжавыя, мяса, малочныя прадукты, алей і цукар.