Ігар Эйдман: Расея рыхтуе замену Лукашэнку

Пуцін даўно хоча пазбавіцца ад беларускага дыктатара.

Пра гэта заявіў расейскі сацыёлаг Ігар Эйдман ў артыкуле «Масква 2015: паміж крызісам і вайной», апублікаваным на ягонай старонцы ў сацыяльнай сетцы «Фэйсбук».

«У пуцінскага наступу могуць быць і іншыя тактычныя мэты. Няўдачы ва Украіне здольныя падштурхнуць Пуціна на агрэсію супраць іншых краін у мэтах кампенсацыі іміджавых страт ад непазбежнага правалу «Наварасейскай» авантуры. Цалкам магчыма, што пасля Украіны наступнай мэтай Пуціна стане Беларусь. Думаю, што Расея даўно рыхтуе замену Лукашэнку і аншлюс гэтай краіны. Беларускі дыктатар апошнім часам паводзіць сябе з Пуціным вельмі нахабна, проста хаміць яму ў твар. Пуцін, вядома, хацеў бы ад яго пазбавіцца і рэалізаваць нарэшце ў поўнай меры колішнюю ідэю стварэння саюзнай дзяржавы Расеі і Беларусі пад сваім кіраўніцтвам. Прычым ён ведае, што Захад не будзе абараняць такую адыёзную фігуру як Лукашэнка», - адзначае ён.

Сацыёлаг адзначае, што гэта не скасоўвае планаў па наступу ва Украіне.

«Пуцінскага кіравання ў 2015-м годзе будзе спрабаваць пераламаць сітуацыю: не толькі захаваць захопленае, але і працягнуць наступ. Палітыка Расеі будзе характарызавацца спалучэннем імітацыі саступак Захаду і спробаў яго шантажаваць. Як гэта ўжо было ў мінулым, кожны раз за імітацыяй адступлення будуць падтрымлівацца чарговыя агрэсіўныя дзеянні ў рэалізацыі стратэгічных мэтаў палітыкі Пуціна, якімі застануцца рэванш за паражэнне ў Халоднай вайне і расейская гегемонія на постсавецкай прасторы. Такую тактыку можна назваць: крок назад - два крокі наперад. Яна непазбежна вядзе да абвастрэння канфлікту на кожным новым вітку супрацьстаяння. Пасля кожнай імітацыі адыходу, стаіць яшчэ больш нахабны наступ, а пагроза вялікай вайны расце», - піша Ігар Эйдман.