Беларускі экіпаж заняў трэцяе месца на этапе «Дакара»

Трэцяе месца заняў экіпаж Сяргея Вязовіча з каманды «МАЗ-СПОРТаўта» на пятым этапе ралі-марафона «Дакар-2015».

Этап прайшоў 8 студзеня паміж чылійскімі гарадамі Кап'япа і Антафагаста, піша БелаПАН.

Маршрут пятага этапу экіпаж №510 пад кіраваннем Сяргея Вязовіча (штурман - Павел Гаранін, механік - Андрэй Жыгулін) праехаў за 4 гадзіны 50 мін 41 секунду, саступіўшы пераможцу этапу - экіпажу Эдуарда Мікалаева з каманды «КАМАЗ-майстар» - 15 мін 46 сек.

Сяргей Вязовіч праехаў маршрут з апухлай левай рукой, якую пашкодзіў днём раней на чацвёртым этапе. «На шчасце, гэта ніяк не адбілася на маім выступе і не перашкодзіла паказаць добры час. Траса апынулася няпростай, але нейкіх сур'ёзных праблем для нас не ўяўляла", - адзначыў пілот.

Другое месца на пятым этапе заняў яшчэ адзін камазаўскі экіпаж - Айрата Мардзеева (9 мін 58 сек).

Дабраліся да фінішу пятага этапу і два іншых экіпажа каманды «МАЗ-СПОРТаўта». Экіпаж Аляксандра Васілеўскага (№535) стаў 12-м (43 мін 36 сек), «Хуткая тэхнічка» Уладзіміра Васілеўскага (№560) прыехала 40-й (3 гадзіны 45 мін 16 сек)

З 58 якія стартавалі на пятым этапе грузавікоў да фінішу даехала 42 экіпажы. На пятым этапе ўдзельнікам гонкі давялося пераадолець самы доўгі спецучастак цяперашняй ралі - 458 км.

Пасля пяці этапаў у агульным заліку ў класе грузавіком экіпаж Сяргея Вязовіча займае 6-е месца (адставанне ад лідэра - 51 мін 28 сек), экіпаж Аляксандра Васілеўскага - 16-е (3:06:27), экіпаж Уладзіміра Васілеўскага - 34-е (12:36:27).

Лідыруе ў агульным заліку экіпаж расейца Эдуарда Мікалаева з «КАМАЗ-майстар».

9 студзеня адбудзецца дзевяты этап, які пройдзе паміж чылійскімі гарадамі Антафагаста і Ікуіке. У класе грузавікоў на старт выйдзе 55 экіпажаў.