Intel прадставіла кампутар памерам з флешку
10- 9.01.2015, 10:43
- 16,219
Кампанія Intel анансавала выпуск мініяцюрнай кампутарнай прыстаўкі для манітора або тэлевізара.
Яна называецца Compute Stick, падключаецца праз HDMI-уваход, абсталявана працэсарам Intel Bay Trail, двума гігабайтамі аператыўнай памяці і 32-гігабайтны назапашвальнікам, а сілкуецца праз шнур USB, піша internetua.com.
Intel Compute Stick можа працаваць на Android, Windows 8.1 або Linux, а убудаваную памяць можна павялічыць за кошт карты MicroSD. Астуджэнне пасіўнае, без вентылятара. Дзякуючы USB-порту да кампутара можна падключыць мыш, клавіятуру, точпад або знешні вінчэсцер. Продаж Compute Stick пачнецца ў сакавіку па кошце 149 даляраў ЗША.
