АГП абвінавачвае старшыню Нацбанку ў махінацыях з прэміямі

Паўла Калавура абвінавачваюць у тым, што ў моманты дэвальвацыі беларускага рубля ён выпісваў сабе велізарныя грашовыя прэміі.

Пра гэта гаворыцца ў артыкуле, які размяшчаецца на сайце АГП. Прыводзім яго тэкст цалкам:

- Зусім нядаўна ва ўрадзе Беларусі адбыліся чарговыя буйнамаштабныя кадравыя перастаноўкі. Перыядычная пературбацыя чыноўнікаў Аляксандрам Рыгоравічам справа звыклая і ўжо нікога не здзіўляе - усе асобы знаёмыя, бо лаўка запасных вельмі кароткая: сёння ты няўдалы губернатар вобласці, а заўтра спрабуеш сябе ў хімічнай прамысловасці - раптам атрымаецца. Але гаворка цяпер не пра гэта. Найбольшую цікавасць у бізнэса і насельніцтва выклікала ракіроўка Ермакова - Калавур, бо тэма інфляцыі пастаянна лунае ў паветры, а гільяціна дэвальвацыі кожную секунду так і наровіць сарвацца на шыі беларускіх падаткаплацельшчыкаў. Павел Уладзіміравіч, кажуць, кандыдатура, вартая ўвагі і з усіх новаспечаных кіраўнікоў самая адэкватная. Магчыма, Калавур П.В. і прафесіянал сваёй справы, але не можа не бянтэжыць інфармацыя ад ананімнай крыніцы з ранейшага месца працы топменеджара, якая прасачылася ў інтэрнэт у крызісным 2011-м годзе - артыкул тады атрымала назву «Людзі галадаюць - прэміяльныя растуць». Характарызуе яна Паўла Уладзіміравіча як чалавека, які не абдзеліць сябе нават у самыя цяжкія часы. Зрэшты, пачытайце самі (тэкст публікацыі прыведзены ніжэй) і зрабіце свае высновы: ці патрэбныя нам такія дарагія, хай, і таленавітыя чыноўнікі?..

У той час як стаўкі па крэдытах растуць як на дражджах і ўжо перавалілі за 50%, людзі губляюць грошы на дэвальвацыі і гіперінфляцыі беларускага рубля, банкаўская сістэма квітнее і развіваецца. Вось яно звяно нашай эканомікі, якому нават выгадная сітуацыя, якая склалася. Усе ведаюць, што ў гэты перыяд абарот грашовых сродкаў у банках нашай краіны значна ўзрос.

Людзі б'юцца ў істэрыцы, бачачы, як іх зберажэнні растаюць на вачах, прастойваюць у чэргах ля абменнікаў і ў аддзелах бытавой тэхнікі, каб абмяняць паперкі, якія абясцэньваюцца кожны дзень, на нешта больш надзейнае, хай гэта нават будзе халадзільнік. Пры гэтым урад усяляк перашкаджае і нават караў грамадзян за такія дзеянні. Банкіраў жа ўсе гэтыя непрыемнасці не закранулі ніяк, яны, наадварот, значна палепшылі сваё фінансавае становішча. Маюцца на ўвазе, вядома, не шараговыя супрацоўнікі, а верхавіна, людзі, якія сядзяць у праўленні.

Прывядзём адзін прыклад, Калавур Павел Уладзіміравіч, будзьце знаёмыя. Займаў пасады намесніка старшыні праўлення Нацбанку РБ (1993-1999) і першага намесніка старшыні праўлення Нацбанку РБ (сакавік 1999 г. - верасень 2010). З кастрычніка 2010 года з'яўляецца старшынём праўлення ААТ «Белзнешэканомбанк», у банку яго называюць проста - «чалавек Лукашэнкі», бо, стаўшы старшынём, ён хуценька перацягнуў да сябе і пасадзіў на вядучыя пасады сваіх людзей з Нацбанку. Але гэта ўжо не здзіўляе і ўспрымаецца як норма. Цяпер галоўнае, давайце проста паглядзім на сумы прэміяльных, якія Павел Уладзіміравіч выпісваў сабе ў такі складаны для народа Беларусі час:

сакавік 2011 - 125 млн беларускіх рублёў;

травень 2011 года - 116 млн беларускіх рублёў;

жнівень 2011 - 121 млн беларускіх рублёў;

кастрычнік 2011 - 185 млн беларускіх рублёў;

лістапад 2011 - 268 млн беларускіх рублёў.

Просім звярнуць асаблівую ўвагу на даты імклівых скокаў прыведзеных сум, якія дакладна супадаюць з датамі правядзення афіцыйнай дэвальвацыі беларускага рубля Нацыянальным банкам Рэспублікі. Як бачым, Паўла Уладзіміравіча гіперінфляцыя і дэвальвацыя не асабліва турбавалі, ён проста памнажаў на калькулятары сваю прэмію, ды і наўрад ці ён удзельнічаў у пераклічцы каля абменных пунктаў, каб з'ездзіць на замежны курорт. А такі «Калавур» сядзіць у кожным банку... Вось на што ідуць нашы ўклады! І тут успамінаецца парада Жоржа Міласлаўскага з неўміручай камедыі Леаніда Гайдая: «Грамадзяне, захоўваеце грошы ў ашчаднай касе! Калі яны ў вас, вядома, ёсць... »А ў вас ёсць грошы? І дзе вы іх захоўваеце?