Блогера ў Саудаўскай Аравіі падверглі публічнай лупцоўцы

У Саудаўскай Аравіі папулярны блогер Раіф Бадаві падвергнуўся публічнай лупцоўцы за абразу ісламу.

Улетку журналіст, які стварыў сайт "Ліберальная сетка Саудаўскай Аравіі", быў прысуджаны да 10 гадоў турмы і 1000 удараў бізуном, паведамляе BBC.

Публічная лупцоўка адбылася ў горадзе Джыда. Пакуль асуджаны атрымаў толькі 50 удараў бізуном з 1000 прызначаных.

Публічная лупцоўка адбылася, нягледзячы на зварот дзярждэпартамента ЗША да ўладаў краіны з заклікам скасаваць гэтае жорсткае пакаранне.