За рэгістрацыю сайта прыйдзецца заплаціць 0,5 базавых

У Беларусі ўведзеная плата за рэгістрацыю інфармацыйных сетак, сістэм і рэсурсаў нацыянальнага сегмента сеткі інтэрнэт.

Адпаведная пастанова Савета міністраў Беларусі ад 31 снежня 2014 №1281 апублікаваная 9 студзеня на Нацыянальным прававым інтэрнэт-партале, піша БелаПАН.

Дакумент уносіць змяненні і дапаўненні ў Палажэнне аб парадку дзяржаўнай рэгістрацыі інфармацыйных сетак, сістэм і рэсурсаў нацыянальнага сегмента глабальнай кампутарнай сеткі інтэрнэт, размешчаных на тэрыторыі Беларусі, зацверджанае пастановай Саўміна ад 29 красавіка 2010 г. №644 "Аб некаторых пытаннях удасканалення выкарыстання нацыянальнага сегмента глабальнай кампутарнай сеткі інтэрнэт".

Паводле новых патрабаванняў, плата за дзяржаўную рэгістрацыю інфармацыйных сетак, сістэм і рэсурсаў нацыянальнага сегмента сеткі інтэрнэт складзе 0,5 базавай велічыні. Плата будзе спаганяцца не з фізічных або юрыдычных асоб, а з пастаўшчыкоў інтэрнэт-паслуг.

Уладальнік зарэгістраванага рэсурсу павінен абвясціць пастаўшчыка інтэрнэт-паслуг аб змене рэгістрацыйнай інфармацыі аб рэсурсе або спыненні яго выкарыстання ў пяцідзённы тэрмін з дня ўзнікнення адпаведных абставінаў. Пастаўшчык інтэрнэт-паслуг у пяцідзённы тэрмін з дня атрымання гэтага паведамлення павінен накіраваць у РУП "БелДІЭ" заяву з указаннем рэгістрацыйнага нумара рэсурсу, даты змены рэгістрацыйнай інфармацыі аб рэсурсе, а таксама звестак пра яе або спыненні выкарыстання рэсурсу.

Пастанова ўваходзіць ў дзеянне з 9 студзеня 2015 года.