Міністры не дамовіліся аб сустрэчы ў Астане
- 9.01.2015, 18:22
- 7,218
Кіраўнікі МЗС Украіны, Расеі, Францыі і Нямеччыны не прыйшлі да згоды з нагоды сустрэчы ў Астане ў "нармандскім фармаце".
Пра гэта паведаміў міністр замежных спраў Украіны Павел Клімкін па тэлефоннай размове на сваёй старонцы ў Twitter, паведамляе Еўрапейская праўда.
"Паклаў слухаўку пасля размовы з калегамі з ФРН, Францыі і РФ. Адзіны "прагрэс"- дамовіліся асабіста сустрэцца ў Бэрліне. Працуем далей..." - напісаў ён.
Поклав слухавку після розмови з колегами з ФРН, Франції та РФ. Єдиний "прогрес" - домовились особисто зустрітися в Берліні. Працюємо далі...
— Pavlo Klimkin (@PavloKlimkin) 9 января 2015
Нормандія знову приїде до Берліна. Зустрінемося там з міністрами 12 січня.
— Pavlo Klimkin (@PavloKlimkin) 9 января 2015
Са слоў Клімкіна, сустрэча адбудзецца 12 студзеня.
Нагадаем, раней паведамлялася, што міністры замежных спраў Францыі, Расеі, Украіны і Нямеччыны правядуць сустрэчу 8-9 студзеня.
Як паведамлялася, 15 студзеня ў сталіцы Казахстана Астане павінна адбыцца сустрэча ў "нармандскім фармаце", у якой возьмуць удзел прэзідэнт Украіны Пятро Парашэнка, канцлерка Нямеччыны Ангела Мэркель, прэзідэнт Францыі Франсуа Аланд, прэзідэнт Расеі Уладзімір Пуцін.
У той жа час Францыя і Нямеччына сумняюцца ў мэтазгоднасці правядзення сустрэчы аб сітуацыі ва Украіне ў "нармандскім фармаце" 15 студзеня ў Астане.
Так, прадстаўнік канцлеркі Нямеччыны Ангелы Мэркель Штэфан Зайбэрт заявіў, што сустрэча мае сэнс толькі пры ўмове дасягнення прагрэсу.
Канцлерка ж са свайго боку заявіла 8 студзеня, што пытанне правядзення сустрэчы ў "нармандскім фармаце" будзе развязанае найбліжэйшымі днямі.