Парашэнка параўнаў тэракты ў Парыжы з падзеямі ў Данбасе
10- 9.01.2015, 19:00
- 14,870
Прэзідэнт Украіны не бачыць розніцы паміж тэрарыстычнай атакай у Францыі і тэрарыстычнымі атакамі, якія адбываюцца ў Данбасе.
Аб гэтым кіраўнік дзяржавы сказаў падчас візіту ў амбасаду Францыі ў пятніцу, 9 студзеня, паведамляе "Укрінформ".
"Толькі што я меў магчымасць паўтарыць словы спачуванні французскаму народу, прэзідэнту Францыі, дэманструючы тры вельмі глыбокія адчуванні. Адчуванне першае - гэта глыбокі смутак, які я як прэзідэнт выказваю Францыі і французскаму народу. Другое - гэта салідарнасць з Францыяй у барацьбе з тэрарызмам. І трэцяе - гэта ёсць наша адзінства: Францыі, Украіны і ЕЗ у барацьбе з тэрарызмам", - сказаў прэзідэнт.
Ён дадаў, што Украіна ведае, што значыць такая барацьба.
"І я не бачу ніводнага адрознення паміж тэрарыстычнай атакай (у Францыі) і падрывам бара ў Харкаве; тэрарыстычным нападам на офіс валанцёраў у Адэсе, або тэрарыстычнымі атакамі, якія адбываюцца на акупаваных тэрыторыях Данецкай і Луганскай абласцей",
Нагадаем, напярэдадні невядомы мужчына спакойна застрэліў супрацоўніцу паліцыі, якая прысутнічала пры складанні пратаколу ДТЗ, і параніў яшчэ аднаго праваахоўніка, пасля чаго ўцёк з месца здарэння.
7 студзеня ў Парыжы невядомыя ў масках уварваліся ў рэдакцыю сатырычнага часопіса Charlie Hebdo і распачалі агонь. У выніку тэракту загінулі 12 чалавек.