Алесь Макаеў: Людзі самі збяруцца 11 кастрычніка на Кастрычніцкай плошчы
42- 10.10.2015, 19:47
- 75,149
Пасля заканчэння «галасавання» людзі выйдуць а 20:00 на Кастрычніцкую плошчу ў Менску.
Пра гэта сайту charter97.org заявіў лідар беларускіх прадпрымальнікаў Алесь Макаеў.
«Беларусы маюць права на мірны пратэст супраць фальсіфікацыі так званых «выбараў», - сказаў ён. - Назіральнікі ўжо на датэрміновым галасаванні зафіксавалі, што прыход завышаны, як мінімум у два разы. Асаблівасцю гэтых выбараў з'яўляецца таксама тое, што першапачаткова быў сфальсіфікаваны спіс кандыдатаў у прэзідэнты - там няма ніводнага дэмакратычнага кандыдата ў прэзідэнты. Таму я думаю, што людзі выкажуць сваё стаўленне да таго, што адбываецца ў краіне. Адразу пасля закрыцця выбарчых участкаў, а 20:00, людзі збяруцца на Кастрычніцкай плошчы ў Менску і ўжо на месцы будуць думаць, што рабіць далей».
Алесь Макаеў мяркуе, што беларускія палітыкі павінны падтрымаць заўтрашнюю сустрэчу выбаршчыкаў.
«Узурпацыя ўлады - гэта злачынства. Гэтаму трэба супрацьстаяць», - мяркуе лідар беларускіх прадпрымальнікаў.