Вольга Кавалькова: Рэальны прыход у Менску складае блізу 21%

Мінімальны прыход зафіксавана на дзялянцы № 11 у Савецкім раёне Менска.

Пра гэта сайту charter97.org паведаміла каардынатарка ў Менску кампаніі «Права выбару - 2015» Вольга Кавалькова:

- Я прааналізавала прыход паводле незалежных назіральнікаў на дзялянках горада Менска: калі не браць пад увагу звесткі з датэрміновага «галасавання», якія завышаліся камісіямі, то цяпер прыход складае 21,8%. Гэта тая колькасць выбаршчыкаў, якая прагаласавалі з раніцы ў нядзелю ў Менску.

Мінімальны прыход зафіксаваны на дзялянцы № 11 у Савецкім раёне - гэта 20%, а найбольшы - на дзялянцы № 1 у Партызанскім раёне, дзе знаходзіцца Вышэйшы дзяржаўны каледж сувязі.