Заробкі чыноўнікаў і «мінімалку» праіндэксуюць, а стыпендыі - не

У Беларусі месячны мінімальны заробак (МЗ) за верасень гэтага года індэксуецца, як і ў папярэднім месяцы, на 5,1%.

Паколькі індэкс спажывецкіх коштаў за верасень не перавысіў пяціадсоткавы парог да месяца папярэдняй індэксацыі (ліпень 2015 года).

Такім чынам, як паведамляе БелТА, сума МЗ у верасні гэтага года, як у ліпені і жніўні, складае Br2 млн 180 тысяч 126.

Грашовыя даходы (заробак, дзяржаўныя стыпендыі навучэнцам, стыпендыі клінічным ардынатарам, стыпендыі работнікам, накіраваным на павышэнне кваліфікацыі, перападрыхтоўку, стажыроўку ў (дзённай) форме навучання ў іншы населены пункт), якія атрымліваюцца з бюджэтных крыніц, за верасень гэтага года не індэксуюцца, бо індэкс спажывецкіх коштаў за верасень не перавысіў пяціадсоткавы парог да месяца іх аднаразовага перагляду (сакавік 2015).

Заробак дзяржаўных служачых і прыраўнаваных да іх асоб, грашовае забеспячэнне вайскоўцаў, асоб шараговага і начальніцкага складу, грашовае забеспячэнне вайскоўцаў тэрміновай вайсковай службы, сувораўцаў, выхаванцаў воінскіх часцей, курсантаў вайсковых навучальных устаноў індэксуецца, як і ў папярэднім месяцы, на 6,6% , бо індэкс спажывецкіх коштаў за верасень не перавысіў пяціадсоткавы парог да месяца іх папярэдняй індэксацыі (люты 2015).

Устаноўленыя ад базавай велічыні дапамогі ў беспрацоўі і стыпендыі грамадзянаў у перыяд прафесійнай падрыхтоўкі, перападрыхтоўкі і павышэння кваліфікацыі па накіраванні органа па працы, занятасцi i сацыяльнай абароне гарадскога, раённага выканаўчага камітэта індэксуюцца, як і ў папярэднім месяцы, на 5,1%, бо індэкс спажывецкіх коштаў за верасень не перавысіў пяціадсоткавы парог да месяца іх папярэдняй індэксацыі (ліпень 2015).

Насельніцтву, якое атрымлівае даходы на тэрыторыі Беларусі з іншых крыніц, кампенсацыя страт ад інфляцыі ажыццяўляецца на падставе, прадугледжаных калектыўнымі дамовамі (пагадненнямі). Грашовыя даходы насельніцтва за верасень, якія падлягаюць індэксацыі ў парадку, устаноўленым заканадаўствам, індэксуюцца ў межах Br1 млн 569 тысяч. 130 - 100% бюджэту пражытачнага мінімуму ў сярэднім на душу насельніцтва, які дзейнічае на момант індэксацыі.