Акцыя салідарнасці ў інтэрнэце: беларусы выкладваюць свае фота з «Пагоняй»
25- 18.10.2015, 11:29
- 26,496
Група «Арт-Сядзіба» ініцыявала акцыю #ПагоняПобач - у знак салідарнасці з ястрамбельскімі кадэтамі.
«У Беларусі вакол нацыянальнага сімвала «Пагоня» адбываюцца ганебныя рэчы, якія хопіць цярпець! «Арт-Сядзіба» пачынае акцыю салідарнасці #ПагоняПобач.
Далучайцеся! Калі «Пагоні» няма на дзяржаўных будынках Беларусі, то гэта не значыць, што яе няма ў беларусаў! «Пагоня» побач - будзем жыць!» - гаворыцца ў паведамленні ў «Фэйсбуку», піша charter97.org.
Дзясяткі карыстальнікаў - жыхароў Беларусі ды іншых краін - выкладваюць у сацыяльных сетках свае фатаздымкі з нацыянальным гербам «Пагоня».
Нагадаем, 16-гадовыя кадэты з вучэльні ў Ястрамбелі, якія сфатаграфаваліся ў саколках з «Пагоняй», былі адлічаныя з установы.