Шэсце ў Курапаты на «Дзяды» пройдзе 1 лістапада
3- 20.10.2015, 13:45
- 15,572
Збор удзельнікаў шэсця - а 10:30 ля будынка Мінскага гадзіннікавага завода.
Пра гэта «Нашай Нiве» паведаміў намеснік старшыні Кансерватыўна-хрысціянскай партыі БНФ Юрась Беленькі.
Паводле ягоных слоў, афіцыйны дазвол улады яшчэ не далі.
«Але яны заўсёды вылаводзяць да апошняга», - адзначыў Беленькі.
Заяўка на шэсце па Менску і мітынг у Курапатах пададзеная на нядзелю, 1 лістапада. План такі ж, як і ў мінулым годзе - збор прызначаны на 10.30 каля будынка Мінскага гадзіннікавага завода на праспекце Незалежнасці (станцыя метро «Парк Чалюскінцаў»).
Пачатак шэсця а 11:00. Затым людзі пройдуць вуліцамі сталіцы і накіруюцца ў Курапаты.