У Беларусі зніжаецца заробак

Рэальны заробак у студзені-верасні зменшыўся на 3,1%.

Рэальны заробак (заробак, разлічаны з улікам росту спажывецкіх котаў тавараў і паслуг) у студзені-верасні 2015 у параўнанні з такім жа леташнім перыядам паменшыўся на 3,1%, у верасні 2015 у параўнанні з жніўнем 2015 - на 2,8%, паведаміла прэс-служба Нацыянальнага статыстычнага камітэта, піша БелаПАН.

Намінальны налічаны сярэднямесячны заробак работнікаў Беларусі ў студзені-верасні 2015 склаў 6 млн 625,4 тысяч рублёў, у тым ліку ў верасні - 6 млн 863 тысяч рублёў, зменшыўшыся ў параўнанні са жніўнем 2015 на 1,5% , або на 107,6 тысяч рублёў.

У верасні 2015 у прамысловасці сярэдні заробак склаў 7 млн. 387,2 тысяч, у будаўніцтве – 8 млн 338,9 тысяч, на транспарце і ў сувязі - 7 млн 661,9 тысяч, у сельскай і лясной гаспадарцы - 5 млн 104,8 тысяч, у адукацыі – 4 млн 810,1 тысяч, у тым ліку настаўнікаў - 5 млн 806,5 тысяч, прафесарска-выкладчыцкага складу - 7 млн 543,4 тысяч рублёў. Заробак работнікаў аховы здароўя ў верасні 2015 склаўся сумай 5 млн 657,8 тысяч рублёў. Сярэдні заробак лекараў склала 8 млн 945,4 тысяч рублёў, сярэдняга медыцынскага персаналу - 5 млн 596,7 тысяч рублёў.

Максімальны сярэднямесячны налічаны заробак работнікаў у верасні сярод рэгіёнаў быў ў Менску - 9 млн 287,8 тысяч рублёў, мінімальны - у Магілёўскай вобласці (5 млн 906,9 тысяч). У Берасцейскай вобласці сярэдні заробак склаў 5 млн 944,6 тысяч рублёў, у Гомельскай - 6 млн 372,3 тысяч, Гарадзенскай - 6 млн 109 тысяч, Менскай - 6 млн 874,6 тысяч, Віцебскай - 5 млн 907 тысяч рублёў.

Максімальны заробак быў у работнікаў сферы вылічальнай тэхнікі - 27 млн 659,3 тысяч рублёў, мінімальны - у работнікаў сацыяльнай сферы (4 млн 0,9 тысяч рублёў).