МЗС Канады: Агрэсія Расеі ставіць пад сумнеў сістэму міжнародных гарантый

Незаконная анэксія Расеяй Крыма і агрэсія супраць Украіны ставіць пад сумнеў усю сістэму міжнародных гарантый.

Пра гэта намеснік міністра замежных спраў Канады Даніэль Жан заявіў, выступаючы з трыбуны Генеральнай асамблеі ААН, паведамляе "Укринформ".

"Заснаваная на правілах міжнародная сістэма павінна быць захаваная. Міжнародныя гарантыі губляюць сваё значэнне, калі правілы груба парушаюцца. Мы павінны дастойна сустрэць выклікі бяспекі і правам чалавека, як у Іраку і Сірыі, а таксама злоўжыванні, якія ідуць за актамі агрэсіі, такімі як расейскае ўварванне ва Украіну, незаконная анэксія Крыма і ўмяшанне ва ўсходняй Украіне ", - адзначыў Жан.

Ён дадаў, што ААН прызначаная для развязання канфліктаў, а не адмаўлення асноватворных прынцыпаў арганізацыі.

"Лідары не могуць выкарыстоўваць гэтую трыбуну для адмаўлення базавых прынцыпаў, на якіх гэтая арганізацыя была заснаваная. Гэтую платформу варта выкарыстоўваць, каб вырашаць глабальныя пагрозы", - падкрэсліў канадскі палітык.