Google ўзнагародзіў гаражнага майстра з Берасця
11- 5.10.2015, 10:39
- 15,883
Мільёнам людзей Алег Несцераў вядомы як відэаблогер дзядзька Алежа.
Яшчэ тры гады таму ён быў звычайным кузаўшчыком, а сёння ўжо назбіраў больш за сто тысяч падпісчыкаў у сетцы.
Сярэбраную кнопку ўручаюць толькі папулярным відэаблогерам, у якіх не менш за сто тысяч падпісчыкаў у сетцы. Аматарскія ролікі дзядзькі Алежа ўбачылі мільёны людзей ва ўсім свеце.
«Тут канал напісаў, што ў нас сто тысяч падпісчыкаў. І, я так зразумеў, віншаванне, але яно на ангельскай мове. І я нічога не зразумеў. Але, думаю, што дрэннага яны нічога не напісалі! Вось, ад Google такая штучка», - распавёў блогер.
Папулярныя ролікі майстар-самавук здымае на аматарскую камеру ў гаражы на ўскраіне Берасця. Яго відэаўрокі аб тым, як грунтаваць, фарбаваць і паліраваць машыны сёння глядзяць на некалькіх кантынентах, паведамляе АНТ.