Турцыя абвінаваціла Расею ў парушэнні паветранай прасторы
2- 5.10.2015, 10:47
- 4,633
Анкара заявіла, што расейскі вайсковы самалёт парушыў паветраную прастору Турцыі ў суботу, 3 кастрычніка.
Турэцкі МЗС заявіў, што расейскі баявы самалёт парушыў паветраную прастору краіны, паведамляе Reuters. Як заявілі дыпламаты, на перахоп расейскіх вайсковых самалётаў былі паднятыя два знішчальнікі F-16S.
Інцыдэнт адбыўся ў суботу, 3 кастрычнік ля мяжы з Сірыяй. МЗС выклікаў амбасадара Расеі ў Турцыі для таго, каб выказаць пратэст у сувязі з парушэннем мяжы, удакладняе агенцтва. Як вынікае з паведамлення міністэрства, кіраўнік установы Ферыдун Сінірліоглу абмеркаваў інцыдэнт з міністрам замежных спраў Расеі Сяргеем Лаўровым і з ключавымі партнёрамі па NATO, піша РБК.
Расейская авіяцыя пачала наносіць авіяўдары па мэтам у Сірыі 30 верасня. 2 кастрычніка Мінабароны паведаміла аб пашырэнні геаграфіі дзеянняў авіяцыі – бамбілі мэты ў паўночнай правінцыі Алепа паблізу з мяжой з Турцыяй.
У той жа дзень МЗС Турцыі распаўсюдзіў сумесную заяву сямі краін - ЗША, Вялікабрытаніі, Францыі, Нямеччыны, Саудаўскай Арабіі, Катара і Турцыі, у якім яны заклікалі Расею спыніць наносіць авіяўдары па сірыйскай апазіцыі. 3 кастрычніка прэзідэнт Рэджэп Эрдаган паабяцаў, што падчас маючай адбыцца сустрэчы з прэзідэнтам Расеі Уладзімірам Пуціным папросіць яго «перагледзець дзеянні Расеі ў Сірыі».
«Я абавязкова сустрэнуся з Пуціным, каб абмеркаваць з ім сітуацыю ў Сірыі і выказаць сваю заклапочанасць у гэтым пытанні. Раз нашы краіны сябры, я папрашу яго пераацаніць дзеянні Расеі ў Сірыі», - сказаў тады Эрдаган.
Пры гэтым прэзідэнт Турцыі запэўніў, што ў яго ёсць звесткі аб ударах расейскай авіяцыі па войсках сірыйскай апазіцыі замест дэклараваных расейскім камандаваннем удараў па пазіцыях тэрарыстычнай групоўкі «Ісламскай дзяржава» (яе дзейнасць забароненая ў Расеі).