Velcom павялічыць пеню за пратэрміноўку аплаты паслуг сувязі

З 15 кастрычніка сума пені складзе 0,8% ад сумы запазычанасці за кожны дзень пратэрміноўкі.

Аператар Velcom абвясціў аб павелічэнні сумы пені, якая спаганяецца пры несвоечасовай аплаце паслуг сувязі або штомесячных плацяжоў абсталявання, набытага ў растэрміноўку, піша onliner.by.

З 15 кастрычніка 2015 года сума пені складзе 0,8% ад сумы запазычанасці за кожны дзень пратэрміноўкі замест ранейшых 0,5%.

«Адпаведныя змены будуць унесеныя ў дамову аб аказанні паслуг электрасувязі п. 5. 2 і парадку выдавання тавару ў растэрміноўку. Змены закрануць усіх абанентаў, у тым ліку тых, якія заключылі дамову аб аказанні паслуг электрасувязі да 15 кастрычніка 2015 года», - адзначылі ў Velcom.