На пікеты ў абарону жывёл у Наваполацку выйшлі сабакі

Серыю адзіночных пікетаў правяло таварыства абароны жывёл «Друг».

У Дзень абароны жывёл у Наваполацку прайшла серыя пікетаў супраць выкарыстання натуральнага футра ў індустрыі адзення. На вуліцы горада выйшлі валанцёры таварыства абароны жывёл «Друг» і чатыры выратаваныя імі ў розныя гады сабакі. Ва ўсіх былі плакаты з серыі «Жывёлы - не вопратка», піша kp.by.

Ва ўсіх сабак, якія бралі ўдзел у акцыі, у мінулым - цяжкія выпрабаванні. Аўчарка Бандзі, калі яе знайшлі валанцёры, не магла не тое што хадзіць - наогул не рухалася.

- Толькі вочы жывыя былі, - распавядае кіраўнік БООЗЖ «Друг» Наталля Плігаўка.

Бандзі атрымалася адхаяць, гэтая буйная прыгожая сабака хоць яшчэ мае праблемы са здароўем, але ўжо жыве практычна паўнавартасным жыццём, як і Ярык - пёс, які перасоўваецца з дапамогай адмысловай калыскі.

Сабакі, стоячы на вуліцах горада з плакатамі, меліся так, нібы разумелі, што адбываецца.

- Яны і сапраўды разумеюць больш, чым здаецца на першы погляд, - мяркуе Наталля Плігаўка. - Ды мы ім і растлумачылі, на энэргетычным узроўні, што яны ўдзельнічаюць у важнай справе.