«Пільныя грамадзяне» ў Салігорску збілі п'янага кіроўцу

Зух быў збіты гараджанамі, якія да гэтага паскардз іліся на яго ў міліцыю.

Жыхары Другога мікрараёна паведамілі ў міліцыю, што пад вокнамі іх дома кіроўца, мяркуючы з усяго п'яны, сваволіў на сваім аўтамабілі, піша сайт SN.by.

Супрацоўнікі ДАІ, якія прыбылі па выкліку, заўважылі правапарушальніка па паказаным адрасе. Сядзеў ён у сваім аўтамабілі. Яму моцна дасталася ад «пільных грамадзян»: мужчына быў грунтоўна збіты тымі, каму давялося пабегаць за аўтамабілем, што і пазбавіла яго здольнасці не толькі ездзіць, але і наогул рухацца.

Як паведаміла старшы следчы Светлагорскага РАСК Вольга Русакова, пацярпелы, палічыўшы гэты выхаваўчы момант несуразмерным зробленаму па сваім уздзеянні, напісаў на крыўдзіцеляў заяву ў міліцыю. Высвятляюцца дэталі таго, што адбылося, а таксама ступень нанесеных правапарушальніку цялесных пашкоджанняў.