На фестывалі Men's Fest у Берасці выступяць 15 гуртоў з трох краін
- 6.10.2015, 12:56
- 2,957
Штогадовы фестываль альтэрнатыўнай музыкі Men's Fest абвясціў поўны лайн-ап выступоўцаў.
Сёлета ён пройдзе ў двухдзённым фармаце ў Берасці 24-25 кастрычніка і аб'яднае дзесяць гуртоў з Беларусі, Украіны і Польшчы: TT-34, Jinjer, TerraKod, Rise in Rage, Re1ikt, Zolki Band, Exist M, ForHeaven'sSake, Frostbite , Sciana. У першы дзень да іх далучыцца таксама пяцёрка канкурсантаў, якія пазмагацца за каштоўныя прызы. Пра гэта сайту charter97.org паведамілі арганізатары фестывалю.
24 кастрычніка
16.00 - 18.00 - Конкурс (Charles Mellow/SandGlass/Ingrin/Cad Goddeu/Introverts)
18.20 - 18.50 - Zolki Band
19.05 - 19.35 - Re1ikt
19.50 - 20.20 - Sciana
20.35 - 21.05 - Exist M
21.20 - 22.00 - TT-34
25 кастрычніка
18.20 - 18.50 - ForHeaven'sSake
19.05 - 19.35 - Frostbite
19.50 - 20.20 - TerraKod
20.35 - 21.05 - Rise in Rage
21.20 - 22.00 - Jinjer
Конкурсная частка вярнулася на фестываль пасля гадавой паўзы, удзел у ёй возьмуць 5 гуртоў. Кожны з іх павінен выканаць дзве свае песні і беларускамоўны кавер на трэк любога гурту. Удзельнікі конкурснай праграмы ацэньваюцца па 10-ці бальнай шкале паводле некалькіх крытэрыяў: мастацкая каштоўнасць матэрыялу, сыгранасць калектыву, валоданне музычнымі інструментамі і сцэнічныя паводзіны. Асобна будзе ўлічана меркаванне публікі.
Купіць квіткі на канцэрт можна он-лайн.
