Рэклама авіякампаніі з Джэніфэр Эністан стала гітом інтэрнэту
- 6.10.2015, 14:15
- 6,255
Папулярная акторка знялася ў рэкламе Emirates Airline.
Рэклама з Джэніфэр Эністан стала інтэрнэт-гітом. За дзень ролік з удзелам галівудскай актрысы прагледзелі больш за 1,1 мільёна разоў. Відэа было размешчанае на афіцыйнай старонцы авіяперавозчыка ў сацыяльнай сетцы «Фэйсбук», піша «Корреспондент».
Паводле сюжэту рэкламы Джэніфэр Эністан сніцца сон, што яна шукае на борце самалёта Airbus A380 душ і бар, аднак бортправаднікі запэўніваюць акторку ў іх адсутнасці. Прачнуўшыся, яна аынаецца на борце гэтага лайнера Emirates Airline, а пазней пераказвае свой начны кашмар бармэну, які абслугоўвае пасажыраў самалёта.
Раней паведамлялася, што 46-гадовая Джэніфэр Эністан стала тварам Emirates Airline. Таксама паслом авіякампаніі быў абвешчаны партугальскі футбаліст Крышціяну Раналду.