Жырыноўскі прапанаваў далучыць да Расеі Польшчу ды Фінляндыю

Лідар расейскай партыі ЛДПР уважае за правільнае вярнуць Расеі ўсе тэрыторыі, якія ёй належалі раней.

Пра гэта ён заявіў, выступаючы перад удзельнікамі «першага міжнароднага юнацкага медыяфоруму ў «Артэку», піша «КрымИнформ».

Са слоў палітыка, усе аддзяленні пасля 1 студзеня 1917 ішлі незаконна.

«Пасля незаконнага зрынання цара, незаконна раптам адлучылася Польшча, а незалежнасць Фінляндыі была дадзеная пастановай Саўнаркама - савецкага ўрада. Але ён не меў права такія пастановы прымаць!» - сказаў ён.