Сям'я Нямцова патрабуе запісы камер назірання з месца забойства

Адвакат сям'і Барыса Нямцова патрабуе ад Федэральнай службы аховы РФ выдаць следству запісы з камер відэаназірання з месца забойства палітыка.

Пра гэта сам Прохараў паведаміў ТАСС.

"Мы накіравалі хадайніцтва ў ФСА аб выдачы відэазапісаў з камер", - сказаў ён.

Прохараў адзначыў, што забойства было ўчыненае за 200 метраў ад Крамля.

"Паводле звестак, якія мы атрымалі ад следства, ФСА не падала запісы з камер, у іх нібыта іх няма", - дадаў адвакат.

Як вядома, сустаршыня партыі РПР-Парнас і дэпутат Яраслаўскай абласной думы Барыс Нямцоў быў застрэлены ў цэнтры Масквы 27 лютага.

Паводле справы аб забойстве былі арыштаваныя Заур Дадаеў, якога следства ўважае за непасрэдным выканаўцу злачынства, а таксама Хамзат Бахаеў, Анзор і Шадыд Губашевы і Тамерлан Эскерханаў таксама абвінавачаныя ў датычнасці да ўчынення злачынства.

Ніхто з абвінавачаных віны не прызнае.

Тэрмін расследавання аб справе падоўжаны да 28 лістапада.