На БТ распавялі пра асабісты аўтамабіль Лукашэнкі, якога няма ў дэкларацыі
28- 7.10.2015, 15:48
- 24,491
Аляксандр Лукашэнка асабіста адкрываў новы адцінак другой кальцавой аўтадарогі вакол Менска.
Гэтай падзеі быў удзелены асноўны час на ўсіх беларускіх тэлеканалах. У эфіры праграмы "Панарама" вядоўца сказала: "Сёння пачаў працаваць першы адцінак другой кальцавой аўтадарогі вакол Менска. У цырымоніі адкрыцця ўзяў удзел кіраўнік дзяржавы і на справе апрабаваў якасць новай дарогі. За стырном свайго ўласнага аўтамабіля здзейсніў азнаямленчую паездку", паведамляе "Еўрарадыё" .
Цікава, што, як кандыдат у прэзідэнты Аляксандр Лукашэнка падаваў дэкларацыю ў ЦВК. У ёй сказана, што за 2014 ён атрымаў даход сумай больш за 551 мільёнаў рублёў (заробак). На яго не аформленыя жылыя дамы i iншая маёмасць, у тым ліку аўтамабілі.