Высокапастаўлены дыпламат ЗША: Пуцін рызыкуе раззлаваць увесь суніцкі свет

Дзеянні Масквы выклікаюць гнеў не толькі ЗША, але таксама і самай распаўсюджанай плыні ў ісламе.

Аб гэтым піша Foreign Policy са спасылкай на высокапастаўленага амерыканскага дыпламата, паведамляе Инопресса.ру.

"У той час як Расея прадаўжае сваю шасцідзённую вайскова-паветраную кампанію супраць паўстанцаў у Сірыі, высокапастаўленая супрацоўніца Дзярждэпа ў аўторак выказала перасцярогі: дзеянні Масквы выклікаюць гнеў не толькі ЗША, але таксама і самай распаўсюджанай плыні ў ісламе", - піша выданне.

"Расея мае магчымасць быць адкрытай для супрацоўніцтва, узгоднена дзейным удзельнікам ў справе аднаўлення стабільнасці, - заявіла Вікторыя Нуланд, памочніца дзяржсакратара ў справах Еўропы і Еўразіі. - Ці яна можа пайсці ў процілеглым кірунку, і складанасці будуць не толькі ў нас - супраць будзе ўвесь суніцкі свет".

Нуланд заявіла, што ЗША застаюцца гатовымі да супрацоўніцтва з Расеяй у барацьбе супраць "Ісламскай дзяржавы", але не будуць дапамагаць Крамлю ў аказанні падтрымкі яго даўняму хаўрусніку Асаду, які, як настойваюць ЗША, павінен у канчатковым выніку сысці.